Ánshi Qaırat Nurtastyń anasy, prodúser Gúlzıra Aıdarbekova jáne onyń otbasy Maldıv aralynan demalystan oralyp, qýanyshty sátterin áleýmettik jelide bólisti, dep habarlaıdy bairaqmedia.kz.

Prodúserdiń jazbasyna qaraǵanda, otbasy músheleri aman-esen qaıta qosylyp, birge ýaqyt ótkizip, qýanyshqa bólengen. 

«Búgin bala-shaǵamyz Maldıv aralynan demalystan kelip, basymyz qosylyp máre-sáre bolyp jatyrmyz. Tórt kózimiz túgel, amandyqpen júzdesý de bir baqyt!» – dep atap ótken ol.
Gúlzıra Aıdarbekova jazbasynda ómirdiń kórinbeıtin, tynyshtyqpen beriletin sátterine de toqtalǵan. 

«Barlyǵy kórip júrgen kúlimsireý — shyndyqtyń bir bóligi ǵana. Qalǵanyn ómir ózi sóıletedi. Ómir keıde tynyshtyqty daýyssyz synaıdy. Túsingen adamǵa – jetkilikti» – dep bólisken prodúser.

Oqyrmandar jazbany jyly qabyldap, otbasyǵa baqyt pen amandyq tilegen pikirler qaldyrdy.