Atyraý oblysy Jangeldın aýylynda iz-tússiz joǵalǵan bir úıdiń eki adamy – marqum erli-zaıyptynyń balalary Naýryz ben Mıramgúl áli de izdestirilip jatyr, dep habarlaıdy bairaqmedia.kz.

«Qazaq AIRAN» redaksıasy aýylǵa baryp, marqum Maqsot Qarabalınniń týǵan qaryndasy Ádemi Shylmaǵambetovanyń Naýryz Muqanǵalıevpen hat almasýy bolǵanyn anyqtady.

«Aryz jazyp ne dúrliktirip jatsyz? Ózimizde problema azdaı. Paıdalaryń tımese de, zıandaryńyzdy tıgizbeńizdershi. Bosqa kómektese almaısyzdar, mysqyldap kúlesizder. Paıdalaryńnan zıandaryńyz kóp eken. Óz ata-anama ózim jaýap berem. Sharýalaryńyz bolmasyn jarar, úılenip aldym. Tynysh ómir súrgizbedińizder jan jaqtan. Bankten bir izdeıdi, polısıa bir izdeıdi. Dushpan ekensińder», – delingen Naýryz Muqanǵalıevtiń telefon nómirinen tátesine 27 jeltoqsanda jiberilgen hatta. 

27 jeltoqsanda jiberilgen hatta Naýryz týystarynan «aralaspaýdy» suraǵan.

Marqumnyń inisi Shalqar Muqanǵalıevtiń aıtýynsha, Naýryz – ata-anasyna zıan keltiretin adam emes, aýylǵa syıly, eshkimge qaryzy joq, ózimen-ózi ómir súrip júrgen jan.