AQSH prezıdenti Donald Tramp Mysyrda ótken samıtte basqa el basshylarymen birge Gaza sektory boıynsha beıbit kelisimge qol qoıdy. Onyń sózinshe, bul eń qıyn kelissózder boldy.
CBC aqparatyna sáıkes, Donald Tramp Gazadaǵy soǵysty toqtatýǵa baǵyttalǵan kelisimge qol qoıǵan. Asa mańyzdy qujatqa qol qoıý rásimi Sharm-esh-SHeıhtegi samıt kezinde ótken.
Sondaı-aq araǵaıyndyq jasaǵan Mysyr, Katar jáne Túrkıa ókilderi de beıbit kelisimge qol qoıdy.
CNN habarlaýynsha, Donald Tramp samıtti basqaryp otyrǵanyna asa rıza ekenin bildirip, bul aýyr kelissózderdiń júzege asýyna úles qosqan qyzmetkerleri men kómekshilerin alǵysyn aıtty.
"Asa qıyn bolady dep oıladym, múmkin kóbine solaı da boldy, biraq bizde talantty adamdar kóp qoı. Biz keremet talanttardy iriktep aldyq jáne onyń kóp kómegi boldy, ásirese osy ústel basyndaǵy elderdiń de", - dedi Tramp.
RBK aqparatynsha, qol qoıý rásimi kezinde Tramp úshinshi dúnıejúzilik soǵystyń bolatynyn joqqa shyǵardy.
"Taıaý Shyǵysta úshinshi dúnıejúzilik soǵys bolady dep jıi aıtady. Alaıda soǵys bolmaıdy. Biz onyń bolǵanyn múldem qalamaımyz", - dedi AQSH prezıdenti.
