ChatGPT Qazaqstanda QQS tóleýshi boldy. Bul týraly Memlekettik kirister komıteti málimdedi, dep habarlaıdy Bairaqmedia.kz.
Jahandyq sıfrlyq platformalarmen ózara is-qımyldy jetildirý aıasynda 2025 jylǵy mamyrdan bastap OpenAI, L.L.C. kompanıasy shartty túrde tirkeldi. Bul – jasandy ıntellekt salasyndaǵy jetekshi amerıkalyq uıym, keńinen tanymal ChatGPT ıntellektýaldyq júıesiniń ázirleýshisi.
ChatGPT – bul jasandy ıntellektige negizdelgen chat-bot. GPT (Generative Pre-trained Transformer) tildik modeli negizinde jumys isteıdi jáne kelesideı múmkindikterge ıe:
- suraqtar men ótinishterdi túsiný;
- maǵynaly ári qısyndy jaýaptar qurastyrý;
- aýdarma, hat jazý, kodtaý, oqý jáne basqa da salalarda kómek kórsetý.
ChatGPT-ti vırtýaldy kómekshi, keńesshi, suhbattasýshy nemese shyǵarmashylyq pen jumysqa arnalǵan qural retinde paıdalanýǵa bolady.
Endi Qazaqstan aýmaǵyndaǵy jeke tulǵalarǵa qyzmet kórsetkeni úshin ChatGPT Qazaqstan Respýblıkasynyń salyq zańnamasyna sáıkes qosylǵan qun salyǵyn tóleıtin bolady.
Komıtet sıfrlyq sektorda ashyqtyqty qamtamasyz etý, zańnamany saqtaý jáne tıimdi salyq salý baǵytynda jumysyn jalǵastyrady.
