Ziltemirshi, Rıo Olımpıadasynyń kúmis júldegeri Jazıra Japparqul Aqyrys Seitqazy YouTube arnasyna bergen suhbatynda qazir nemen aınalysyp júrgenin aıtty, dep habarlaıdy Skifnews.kz aqparat portaly.

Sportshy qazir Shymkent qalasynda saýda jasap júrgenin málim etti.

«Bazarda saýda jasaımyn. Ol jerde ózimniń adamdarym turady. Arasynda ózim de baramyn. Ashyp alyp, ketip qalý degen joq qoı. Basy-qasynda júrip, qarap júrýiń kereksiń. Barlyq taýardy ózim tapsyrys beremin.

Sportshy satyp alýshylar kelgende tanyp, «Sen bazarǵa shyǵyp kettiń be?» dep tańdanyspen suraıtynyn jasyrmady.

«Onda turǵan ne bar?! Men bireýdiń tamaǵyn nemese jumysyn tartyp alyppyn ba? İship ketsem «mal bolyp ketti» dep aıtady. Osyndaı jumys istep jatsań «mynadaı» dep aıtasyńdar. Olarǵa túzý sóılep úırenińizdershi deımin.  Keıbir adamdar «durys, jaraısyń, saýda da bereke bar» deıdi. Mentalıtetimiz durys emes sıaqty. İship-shegip júrgenshe, sportpen nemese bıznespen aınalysqan durys», - deıdi sportshy.