Jelide Soltústik Qazaqstan oblysynda 5 jasar qyzdyń ómirin qıǵan órt týraly aqparat jarıalandy. Oblystyq Tótenshe jaǵdaılar departamenti qaıǵyly oqıǵaǵa qatysty pikir bildirdi, dep habarlaıdy bairaqmedia.kz.
Telegram-daǵy Halyqstan arnasynyń habarlaýynsha, 18 qańtarda keshke Soltústik Qazaqstan oblysynyń Qyzyljar aýdanyndaǵy Olshanka aýylynda órt shyqty.
"Páterlerdiń birinde 33 jastaǵy áıel men 31 jastaǵy er adam, sondaı-aq áıeldiń bes jasar qyzy turǵan. Otbasy áleýmettik jaǵdaıy tómen otbasy retinde tirkelgen. Aldyn ala aqparat boıynsha, eresek adamdar úıde peshke ot jaǵyp, balany úıde jalǵyz qaldyryp, qonaqqa ketip alǵan", - delingen jazbada.
Soltústik Qazaqstan oblysy Tótenshe jaǵdaılar departamentiniń NUR.KZ tilshisine habarlaýynsha, 18 qańtarda keshke 112 jedel járdem qyzmetine Qyzyljar aýdanynyń Olshanka aýylyndaǵy jeke úıde órt shyqqany týraly qońyraý túsken. Tótenshe jaǵdaılar departamentiniń bólimsheleri oqıǵa ornyna dereý jetken.
"Órt sóndirýshiler kelgen sátte úı tolyǵymen jalynǵa oranyp, shatyry ortasyna qulap túsken. Órtti sóndirý kezinde kámeletke tolmaǵan balanyń denesi tabyldy", - dep habarlady departament ókilderi.
Departament basshylyǵy oqıǵa ornynda. Tótenshe jaǵdaılar departamentiniń psıhologıalyq qyzmeti balanyń anasyna qajetti kómek kórsetýde.
Órt Tótenshe jaǵdaılar departamentiniń 35 qyzmetkeri men 11 tehnıkasynyń kúshimen tolyǵymen sóndirildi. Órttiń aldyn ala sebebi - pesh jylytý júıesin paıdalaný kezinde órt qaýipsizdigi erejeleriniń buzylýy.
