Halqymyzdyń ejelgi ári kıeli sýsyny – qymyzǵa arnalǵan buryn-sońdy bolmaǵan kólemdegi BaiQymyz festıvali eki kún bolady, – dep habarlaıdy Aikyn.kz.

Gastrofestıvalge elimizdiń barlyq óńirinen 50-den astam qymyz óndirýshi qatysýda. Jalpy kólemi 16 tonnaǵa jýyq qymyz usynylýda. Oǵan qatysý tegin.

Festıválge 50-60 myń adam keledi dep josparlanǵan. Qonaqtar eki kún boıy ártúrli óńirlik qymyzdan dám tatyp, shıpaly sýsynnyń qasıetimen tanysady. Qymyzdyń emdik qýaty men dástúrli daıyndalý ádisteri sheberlik sabaqtary men ǵylymı konferensıalarda keńinen talqylanady.

«Eń úzdik qymyz» ataǵy úshin baıqaý festıváldiń basty oqıǵasy bolmaq. Sapasy men dámi úılesken, dástúrli ádispen daıyndalǵan eń shıpaly qymyz ıeleri qomaqty júlde qoryna ıe bolady. Júlde qory – 45 mıllıon teńge:  I oryn – 20 mln teńge; II oryn – 15 mln teńge; III oryn – 10 mln teńge.

Qymyzben qatar, shara aıasynda jylqy kórmesi, qazaqı tuqymdardy tanystyrý, at ábzelderi jármeńkesi, ulttyq sport túrlerinen jarystar, qolóner sheberleriniń sheberlik sabaqtary, ǵylymı konferensıa jáne aýksıondar da ótip jatyr.

Festıvál qonaqtary Germanıa, Reseı, Qyrǵyzstan elderinen kelgen ǵalymdar, dárigerler men veterınarlardyń baıandamalaryn tyńdap, qymyz kapsýlalaý, ashytý tehnologıasy, saqtaý ádisteri sıaqty zamanaýı tásildermen tanysady.