Aýǵanstanda kúshi 6 baldyq jer silkinisi saldarynan kem degende 622 adam qaza taýyp, 1300-den astam adam jaraqat aldy, dep habarlaıdy NBC News.
Basylymnyń AQSH Geologıalyq qyzmetiniń málimetterine silteme jasap jazýynsha, jer silkinisi Pákistanmen shekaraǵa jaqyn jerde jergilikti ýaqyt boıynsha shamamen tún ortasynda bolǵan.
Tótenshe jaǵdaı bolǵan aımaqta aýqymdy qutqarý operasıasy bastalǵan. Aýǵanstannyń densaýlyq saqtaý mınıstrligi ókiliniń aıtýynsha, tabıǵı apat shalǵaı taýly aımaqta tirkelgendikten, onyń saldary týraly naqty aqparat alý úshin ýaqyt kerek.
Aýǵanstan ishki ister mınıstrligi ókiliniń habarlaýynsha, keıingi málimetterge sáıkes, jer silkinisi saldarynan 622 adamnyń qaza tapqany jáne 1300-den astam adamnyń jaraqat alǵany belgili bolǵan.
Vedomstvonyń málimetinshe, zardap shekken 1000 adam evakýasıalanyp, aýrýhanaǵa jatqyzylǵan.
Aıta ketelik, áleýmettik jelide oqıǵa ornynan foto, vıdeo kadrlar taralyp jatyr.
