Qala turǵyndary men qonaqtary ony Botanıkalyq baq mańynda OPEN AIR konserti aıaqtalǵannan keıin tamashalaı alady, - dep jazady bairaqmedia.kz.

«Astanada elorda kúnine oraı merekelik salút atylady. Feıerverk demeýshilik qarajat esebinen uıymdastyrylady», – delingen ákimdiktiń aqparatynda.

Otshashýdyń bastalý ýaqyty – shamamen saǵat 23:00. Ol otandyq estrada juldyzdary óner kórsetetin merekelik OPEN AIR konsertinen keıin Botanıkalyq baq aýmaǵynda atylady.

Eske salaıyq, 6 shildede Qazaqstanda Elorda kúni merekesi toılanady. Bul merekege oraı Astanada jyl saıyn júzden astam ártúrli baǵyttaǵy is-shara ótedi. Bıyl da qala turǵyndary men qonaqtaryna arnap erekshe oqıǵalar, konsertter, shoýlar, qoıylymdar, aksıalar, kórmeler, sporttyq týrnırler jáne taǵy basqa sharalar uıymdastyrylady.