Air Astana áýekompanıasynyń baspasóz qyzmeti Almatydan Aqtaýǵa shyqqan ushaq shuǵyl qonýǵa májbúr bolǵanyn rastady, dep habarlaıdy bairaqmedia.kz.

Aqparat agenttiginiń jzýynsha, áleýmettik jelide ushaq bortyndaǵy jaǵdaı týraly vıdeo taraǵan. Jolaýshylardyń aıtýynsha, ushaq áýege kóterilgen kezde borttan birtúrli shýyl shyqqan. Al 30-40 mınýttan keıin ushaq tómendegen.

Bul oqıǵaǵa qatysty agenttikke pikir bildirgen Air Astana kompanıanyń baspasóz qyzmeti ókilderiniń málimetinshe, ushaqtan tehnıkalyq aqaý shyqqan.

"31 tamyzda Almaty-Aqtaý baǵytyna shyqqan KS 859 reısiniń ekıpajy Aqtaýǵa jete bere, tehnıkalyq aqaý týraly habar berip, nusqaýlyqqa saı birinshi bolyp qonýǵa ruqsat surady. Osydan keıin ol qaýipsiz eshelonynyń kómegimen Aqtaý áýejaıyna aman qondy", - dep málim etken kompanıanyń baspasóz qyzmeti.

Qazir ushaqtaǵy aqaý neden shyqqany tekserilip jatyr. Atalǵan reıstiń barlyq jolaýshysy basqa áýe kemesine aýystyrylǵan.