Tanymal «Aıgólek» baǵdarlamasynyń júrgizýshisi bolǵan ánshi Erkesh Hasenge qatysty jelide daý týdyrǵan aqparat tarady, dep habarlaıdy bairaqmedia.kz.

Sońǵy kezderi «Qyzym» ánimen tanylyp júrgen ánshige qatysty jazbany Threads áleýmettik jelisinde ózin onyń jary Áıgerimniń qurbysy retinde tanystyrǵan qoldanýshy jarıalaǵan. Onda Erkesh Hasenniń otbasyna opasyzdyq jasaǵany aıtylǵan.

«Osy jańalyq shyqty aý!!! Erkeshtiń birinshi áıeli bolǵan meniń qurbym Aıgerim edi. Onyń qalaı qınalǵanyn, jylaǵanyn menen artyq eshkim bilmeıtin shyǵar. Qurbymmen nekede bola tura Janelmen júrip ketken. Tipti qyzyna habarlaspaǵan, joq bolyp ketetin. Osydan 1 jyl buryn bolǵan. Aıgerimniń sabyrlylyǵyna tań qalamyn. Onyń eńbegimen jasalǵan, remonty bitken kvartırada túk bolmaǵandaı osy ekeýi turyp jatyr! Aıgerim qansha tyrysty otbasyn saqtap qalýǵa! Qalaı qınaldy... Ol óte eńbekqor, ashyq-jarqyn qyz», – dep jazdy Sandýǵash esimdi jeli qoldanýshysy.

Sonymen qatar áleýmettik jelide Erkesh Hasenniń Janel Serǵazınnen taǵy bir qyzy bar ekeni jaıly da aqparat taraǵan.

«Qanshama kóz jasy tógildi! Qınaldy! Júregi aýyrdy!!! Medına qyzy papasyn izdeıtin edi sol kezderi (1 jyl buryn). “Egiz lebizde” ekeýiniń qushaqtasyp, jabysyp júrgenin bári kórgen. Sonda Janel úıde áıeli men qyzy kútip otyrǵanyn bile tura Erkeshke jabysyp, aqyr sońynda aıaǵy aýyr bolyp qalady! Aıgerimmen eshqandaı tochka qoımaı basqaǵa sekire salady! Qurbym basqalar sıaqty ıntervú berse de bolatyn edi, biraq úndemedi. Aıgerim byltyr Janelge jazǵan, sebebi “Egiz lebizde” jabysyp júrgenderin estı bastaıdy! Júregi sezedi! Qyzdar, ıntýısıa aldamaıdy ǵoı? Sonda hanym: “Seniń baıyń maǵan kerek emes, baıyńa ıe bol, aramyzda eshteńe joq” degen! Biraq baıaǵyda bolǵan! Erkeshti izdep sol byltyr Almatyǵa bardy Aıgerim qyzymen. Tipti sol kezde kezdesýden de qashty. Aıgerim ózi jumys istep, ózi asyrap júrdi qyzyn! Men de balamen júrdim ol kezde, barynsha qoldaýǵa tyrystym! Aıgerimniń zvonogyn almaıtyn, menikimen sóılesetin. Meni blokqa salǵan», – dep jazdy ózin Áıgerimniń qurbysy retinde tanystyrǵan qoldanýshy.

Aıta keteıik, atalǵan jazbany jarıalaǵan Sandýǵash esimdi qoldanýshy keıinirek jazbasyn áleýmettik jeliden óshirip tastaǵan.