«Қызылжар батыры» лақап атымен танылған блогер желіде Президент Қасым-Жомарт Тоқаевтың AI & Digital Bridge 2026 халықаралық форумында айтқан сөзіне қатысты өз ойын білдірді, деп хабарлайды Вairaqmedia.kz.
Оның пікірінше, жасанды интеллект тек білім алуға көмектесетін қосымша құрал болып қалмауы керек. Керісінше, технология дамыған сайын адам өз бетінше ойлануға, ақпаратты талдауға және шешім қабылдауға кететін уақытын барынша қысқартып, бұл міндеттердің едәуір бөлігін жасанды интеллектке тапсырғаны тиімді.
Блогердің пайымдауынша, болашақта адамның артықшылығы бәрін өзі ойлап табуында емес, жасанды интеллект ұсынған дайын шешімдерді дұрыс әрі жылдам пайдалана білуінде болмақ.
"Жасанды интеллект бәрін жасап берсе, өзіміз ойлануды қоймаймыз ба? Ол оқуға, білім алуға көмектесуі керек. Бірақ адамның ойлау қабілетін алмастырмауы тиіс", – деді "Қызылжар батыры".
Сондай-ақ ол жасанды интеллект саласына тым қатаң шектеу қоюдың да кері әсері болуы мүмкін екенін атап өтті. Себебі мұндай жағдайда білікті мамандар мен жаңа жобалар басқа елдерге кетуі ықтимал. Сондықтан азаматтардың қауіпсіздігін қамтамасыз ете отырып, технологияның еркін дамуына жағдай жасау қажет.
Блогер отандық мамандарды даярлау мәселесіне де тоқталды. Оның сөзінше, жаңадан ашылған университет медицина, энергетика және өндіріс салаларына қажетті технологияларды жасайтын кадрларды оқытуға үлес қосуы керек.
"Қанша мықты технология болса да, оны дұрыс қолданатын білімді адам қажет. Сондықтан жасанды интеллект дамыған сайын біздің біліміміз бен ойлау қабілетіміз де қатар дамуға тиіс", – деді блогер.
