«Зардап шеккен досы арыз жазбаған»: Ақтауда ер адам досын пышақтап тастады

16:08, 05 қаңтар 2026 80

Фото: Sputniknews

Ақтауда ер адам досына пышақ жарақатын салды, деп хабарлайды Маңғыстау облыстық полиция департаменті.

Оқиға 2-ші шағын аудандағы №46 үйде болған.

"Алкогольді ішімдік ішкен екі дос жанжалдасып қалған. Салдарынан бірі екіншісінің жамбасына пышақ салған", - дейді полицияда.

Зардап шеккен ер адам емделіп жатыр. Бірақ ол өзіне пышақ салған досының үстінен арыз жазудан бас тартқан.

Алайда оқиға фактісі бойынша қылмыстық іс қозғалды, дейді Маңғыстау полициясы.

Біздің Telegram арнамызға жазылып, соңғы ақпаратты оқыңыз. Егер хабарлама жолдағыңыз келсе, WhatsApp-қа жазыңыз.