Жақында әлеуметтік желіде Адина есімді қалыңдықтың ұзату тойында қуыршақтың қорабына кіріп алып, ел алдына шыққан видеосы тарады. Тойдағы бұл көрініс қонақтарды таң қалдырып жатыр деп хабарлайды Democrat.kz.
Қорап кәдімгі барби қуыршақтың қорабына ұқсайды. Оның ішіндегі қалыңдықты төрт жігіт итеріп келе жатыр. Тойға келген қонақтар бұл көрініске таң қалып, видеоға түсірген.
Қолданушылардың біразы қалыңдықтың бұл ерекше образына жақсы баға берсе, кейбірі тың көріністі түсінбей, негатив пікір жазған.
“Біздің туысқандар қораптың ішіне кіріп кететін еді”, “Ешкім бала әкелмеген-ау деймін”, “Той асабасы қонақтарды тәртіпке шақырып тұр”, “Өте керемет ұйымдастырылған, нағыз креатив той”, “Ұзатылуымда осылай шығамын”, – деп жазды көпшілік.
Айта кетейік, бұған дейін тойлардың бірінде қайыққа мініп төрге шыққан қалыңдықтың видеосы тарап, желі қолданушыларының сынына ұшыраған еді.
