Үндістанда маймылдар ер адамды тістеп өлтірді. Оқиға 67 жастағы Рамнатх Чаудхари малға шөп жинау үшін егістікке шыққан кезде болған, деп хабарлайды MADENIPORTAL.KZ.
Азамат шөн жинап жүрген кезде, маймылдар оған кенеттен тап беріп, жерге құлатып, тістелеп тастаған. Чаудхари көмекке шақырғанымен, жанында ешкім болмаған. Ауыл тұрғындары айқайға жүгіріп келгенде, ер адам ауыр халде жатқан. Оны дереу ауруханаға жеткізгенімен, дәрігерлер оның қайтыс болғанын растады.
Daily Mail мәліметінше, шаруаның қазасы ауыл тұрғындары арасында дүрбелең туғызды. Олардың айтуынша, маймылдар тобы бірнеше айдан бері адамдарға шабуылдап, тістеп, мүлікті бүлдіріп жүр. Бірақ бұған дейін мұндай жағдай адам өліміне әкелмеген.
Полиция орман шаруашылығы департаментіне жүгініп, жануарларды ұстап, басқа жерге көшіруді сұрады.
Біз тұрғындарды сақ болуға және мұндай маймылдарға жақындамауға шақырамыз, – делінген полицияның ресми хабарламасында.
