Депутаттар TikTok-тағы контент адам өміріне қауіпті екенін айтып, оны бұғаттауды ұсынған болатын. Премьер-министр Олжас Бектенов бұл мәселеге қатысты Үкіметтің ұстанымын айтты, деп хабарлайды Bairaqmedia.kz.

Жас пайдаланушыларды зиянды контенттен қорғау мақсатында платформа тіркелу формасын әзірледі. Онда толық туған күнін көрсету қажет, өйткені TikTok 13 жасқа толмаған пайдаланушыларға арналмаған. Платформа автоматты түрде және қолмен модерациялауды іске асыра отырып, көрсетілген контентті анықтау және шектеу үшін алгоритм әзірледі, - делінген ресми жауапта.

Автоматты модерация бекітілген бірыңғай ережелерді контенттің белгілі бір түрлерін таниды және жедел шаралар қабылдауға мүмкіндік береді.Контентті модерациялаудың екінші әдісі TikTok пайдаланушылар тарапынан түсетін «шағымдану» функциясына негізделген.

Аккаунт иелері 13 жасқа толмаса, онда жойылған есептік жазбаларды жойып, олардың санын көпшілікке жария еткен алғашқы ірі платформа TikТok болды. 2024 жылдың қаңтар-тамыз айлары аралығында TikTok 13 жасқа толмаған пайдаланушыларға тиесілі Қазақстандағы 1 239 635 есептік жазбаны жойды, ал өткен жылы олардың саны 1 842 467 болды, - деді Олжас Бектенов.

TikTok қосымшасы 12+ рейтингіне ие, бұл ата-аналарға мобильді құрылғыдағы ата-ана бақылау құралдары арқылы баланың қосымшаны жүктеуіне жол бермейді.

TikTok сонымен қатар 13 жасқа толған балалардың онлайн өміріне белсенді қатысуға мүмкіндік беретін ата-ана бақылауы құралдарын ұсынады. «Отбасы параметрлері» арқылы ата-ана басқару үшін өз есептік жазбасын жасөспірімнің есептік жазбасымен байланыстыра алады. Мысалы, экран уақытын шектеу, есептік жазбаның құпиялылық параметрлері, жеке хабарлама параметрлері және т.б..

Уәкілетті орган құқық қорғау органдарымен және арнаулы мемлекеттік органдармен бірлесіп, заңсыз контентті табу және жою алгоритмін жақсарту мақсатында тұрақты негізде TikTok өкілдерімен үнемі кеңестер өткізеді. Нәтижесі бойынша модерация мүмкіндіктерін арттыру үшін жаңа технологияларды енгізу бойынша ұсыныстар әзірлеу жүзеге асырылып келеді, - делінген Үкімет басшысының депутаттарға берген ресми жауабында.