Алматы халықаралық әуежайының ішкі рейстер терминалында төтенше жағдай орын алды, деп хабарлайды Alash.kz.
Белгісіз жолаушы әжетханаға кіріп, өзіне дене жарақатын салуға әрекеттенген. Анықталғандай, ер адам бөтелкенің сынығымен кеңірдегін кеспек болған.
Әуежай қызметкерлері оқиғаны дереу байқап, медициналық қызметке хабарлады. Жедел жәрдем жеткенге дейін ер адамға алғашқы көмек көрсетіліп, оның өмірін сақтау үшін барлық шара қолданылды. Қазіргі таңда оның жағдайы тұрақты, өміріне қауіп жоқ және ол дәрігерлердің бақылауында.
Желіде тараған бейнежазбаларда әжетханада қанға малынған адамның көрінісі бар.
Әуежай әкімшілігі болған жағдайдың әуежай жұмысына еш әсер етпегенін мәлімдеді. Барлық рейстер кестеге сәйкес орындалып жатыр, әуежай қызметі қалыпты режимде жалғасуда.
