Қазақстан азаматы кеше Таиландтың Пхукет қаласында жантүршігерлік жол апатынан көз жұмған. Бұл туралы жергілікті ақпарат құралдары жазды деп хабарлайды bairaqmedia.kz
"Новости Пхукета" Telegram-арнасының мәліметінше, 1 сәуір күні түнгі сағат 00:45 шамасында ер адам Bypass Rd тас жолында мотоциклмен жоғары жылдамдықта қозғалған. Кейін ол басқаруға ие бола алмай, бағанаға соғылыпты. Алған жарақаттарынан отандасымыз тіл тартпай кеткен.
Алғашында Тайланд билігі марқұмның жеке басын анықтауға тырысып, оның телефонының экранындағы орысша жазуларға сүйене отырып, оны "ресейлік турист" деген еді.
Алайда, кейінірек марқұмның Қазақстан азаматы екені және оның Тайландта жұмыс істегені анықталды.
