Кісі зорлады деп айыпталған ер адам Қаскелеңдегі Қарасай аудандық сотының ғимаратынан бүгін таңертең қашып кеткен. Қазір оны полицейлер жан-жақтан іздестіріп жатыр деп хабарлайды EGOV.PRESS-ке сілтеме жасап Bairaqmedia.kz
Telegram-арна таратқан мәліметке сәйкес, қашқын бүгін сағат 10:35 шамасында із суытқан. Ол ҚР Қылмыстық кодексінің 120-бабының 2-бөлігімен көзделген зорлау дерегі бойынша күдікті екен. 1995 жылы туған қашқын сотқа дейінгі қамауда отырған.
Қазір полицейлер «Сирена» деп аталатын арнайы жоспар енгізіп, іздеу жұмыстарына кірісті. Күдіктіні көргендер болса, 102-ге хабар беруін сұрайды.
