Қазақстанның еңбек сіңірген әртісі, аты әлемге әйгілі Майра Мұхаммедқызы соңғы күндері денсаулығы сыр беріп жүргенін, оның себебін жұмысынан көретінін айтты, деп хабарлайды Bairaqmedia.kz. 

Жуырда спорт залдан хамамға кіріп орамалды еңкейіп алғаным сол-ақ еді белім тырс ете қалды. Содан бір апта орнымнан тұра алмай жатып қалдым. Салмаған укол ішпеген дәрі түспеген МРТ қалмады. Соңында бәрі кері әсер беріп ісініп аурып болмағасын больничныймен Лена досымның ақылын тыңдап өз өзімді қолыма алуға тура келді. Бәрін тастап, Астанадағы үйіме келдім. Тибеттің шөп дәрісін қабылдай бастадым. Аяғымнан тұрдым. Ісік бәрі қайтты. Көңіл күй жәйлап орнына келе бастады, – деп жазды Майра Мұхаммедқызы.

Атақты әнші ауруының себебін күнделікті күйбің тірлік, қайнаған атыс-шабыс жұмыстан көріп отыр.

Өмірде ең қиын сорақы іс екі беткей сатқын адамдардың ортасында жұмыс істеу. Соғыс майданында жүргендей қай күні қай жерден граната басып кетер екем деп алаңдаған уайым да жоқ емес. Қазір әуелі шақырған жерге де бармайтын болдым. Өйткені, қонаққа бара қалсаң, жұрттың қолында телефон сені мергендеп тұрады. «Бәленің бәрі – тілде» демекші, өз басыма бәле тауып алмайыншы деп сасқалақтап айтқан тілегімді өзім түсінбей қалатын болдым, – дейді опера әншісі.

Бұған қоса ол кейінгі кезде сөйлесуге болатын адамның жоқтығын да айтып, мұңын бөлісті.

Ия, өз деңгейіңдегі адаммен сөйлесе білу, достаса білу де – бір ғанибет! Өмір жолымда не бір керемет тұлғалар болды сәулесін шашқан. Лаулап тұрушы ем. Ол кезде менде асқақ арман, мінез, сұлулық, сенім, рух, дух болатын. Қазір жоғалтып алған секілдімін…Өйткені маңымда өзім секілді жанып тұрған қиялшыл, арманшыл, іскер, өнерді сүйетін, қолдайтын адал жандар қалмағанда жаның да, тәнің де ауыра бастайды екен, – деп түйіндеді ойын Майра Мұхаммедқызы.