Алматы облысы Талғар қаласында болған төбелес кезінде қаза тапқан жасөспірім Шерзат Полаттың әкесі күдіктілердің үстінен жаңа арыз түсіретін болды. Бұл туралы жәбірленуші тараптың қорғаушысы Мейірман Шекеев мәлімдеді, деп хабарлайды Bairaqmedia.kz.

Адвокаттың айтуынша, істі зерттеу барысында қылмыстық іс шеңберінде азаматтық талап берілмегені анықталған.

Бііз өз талабымызды дайындап жатырмыз. Бұл Қаржаубай қаржылай пайда көріп қалсын деген мақсатта емес, қамаудағы күдіктілердің мерзімінен бұрын босап кетпеуі үшін жасалып отыр, – дейді Мейірман Шекеев.

Сондай-ақ ол оқиға орнында болған екі қыз жөнінде де мәлімет берді.

Әлеуметтік желіде олар қылмыстық іске қатысы бар деп айтылып жүр. Алайда, іс материалдарына сәйкес, олар тек куәгер ретінде жауап берген, – деп түсіндірді адвокат.