Белгілі журналист Сәуле Әбілдаханқызы Facebook желісіндегі парақшасында Қытайдан келген қандастарға қатысты жазба жариялады. Автор мұндай адамдар өте қауіпті деп есептейді деп хабарлайды bairaqmedia.kz 

Сәуле Әбілдаханқызына Қытайдан келген қазақтардың Иманғали Тасмағамбетовке қатысты сөзі ұнамай қалса керек.

Қытайдан келгендер Тасмағамбетов туралы бірдеңе демес бұрын бір жеріне қарасын. Кезінде сол қытайлықтарға Тасмағамбетов көп қолдау көрсеткен еді. Енді олар оған тас атып отыр, - деп жазды ол.

Сондай-ақ, көрші елден оралған қандастарды саясатқа араластырмау қажет дейді Әбілдаханқызы.

Жалпы, Қытайдан келген оралмандарды мемлекет саясатына араластырмау керек. Моральдық қақысы жоқ. 3-4 ұрпақ ауысқанда болмаса. Олар «китайская школаны» көргендер. Өте қауіпті адамдар. Сатып кетуі оп-оңай. Сондайлардың мыңын жеке білемін. Екіжүзді, арам ақынсымақ, жазушысымақтарын да білемін. Анау депутат боп отырған ауыт, әнес сияқтыларсыз да Парламенттің де, қазақтың да таңы атып, тауығы шақырады, - деп жазды Сәуле Әбілдаханқызы.