Қазақстанда легионерлерді мемлекеттік бюджет есебінен қаржыландыруға тыйым салынды. Сенат дене шынықтыру және спорт туралы заңға түзетулерді қабылдады, деп хабарлайды Bairaqmedia.kz. 

Жаңа нормалар бюджет қаражатын тиімді пайдалану мен басым спорт түрлерін дамытуға бағытталған. Бұл саладағы саясат Олимпиада, Паралимпиада, Сурдлимпиада, Азия және Пара Азия ойындарында жоғары нәтижелерге қол жеткізуге негізделеді.

Жаңа заң бойынша:

🔹 Ұлттық спорт федерацияларына өңірлік федерацияларға қарағанда басымдық беріледі.
🔹 Кәсіпқой клубтарға бөлінетін қаржыға шектеу қойылып, бұқаралық және балалар спортын дамытуға басымдық беріледі.
🔹 Жергілікті билік спорт және дене шынықтыру саласындағы қызметтердің бағасын реттей алады.
🔹 Спорттық медицина мен спортшыларды даярлау стандарттарын дамыту шаралары күшейтіледі.
🔹 Мемлекеттік спорт ұйымдары басшыларының ротациясы енгізіледі.
🔹 Шетелдік спортшыларды мемлекеттік бюджет есебінен қаржыландыруға тыйым салынады