Әлеуметтік желілерде Қазақстан халқы Ассамблеясының сессиясында референдум өткізу мәселесі қарастырылатыны туралы жалған ақпарат таралып жатыр. Полиция заңбұзушыларды іздестіріп жатыр, деп хабарлайды Bairaqmedia.kz.
Ассамблея төрағасының орынбасары Лугмар Буларов референдум өткізу туралы ақпарат шындыққа жанастпайтынын айтты.
ҚХА Төрағасының орынбасары ретінде бұл ақпараттың шындыққа мүлдем жанаспайтынын және арандатушылық екенін ресми түрде мәлімдеймін. Мен Ассамблеяның алдағы сессиясын және оның 30 жылдығын дайындау процесіне тікелей қатысамын. Сондықтан мұндай мәселе тіпті талқыланбайды деп сенімді түрде айта аламын. Ассамблеяда мұндай өкілеттіктер ешқашан болған емес және қазіргі уақытта да жоқ. Мұндай фейктерді еліміздің қаскүнемдері және арандатушылар таратады. Қазақстандықтардың жалған және лас манипуляцияларға назар аудармауын сұраймын! – деп жазды Лугмар Буларов әлеуметтік желідегі парақшасына.
Қарағанды облысының полиция қызметкерлері жалған ақпарат таратқаны үшін облыстың екі тұрғынды анықтап, ұстап оларды әкімшілік жауапкершілікке тартты.
Қазір жалған ақпаратты таратулар бойынша тексеру жұмыстары жалғасып жатыр. Жалған мәлімет таратқан басқа адамдар да жауапкершілікке тартылады, – делінген хабарламада.
Полиция жалған ақпарат тарату заңмен белгіленген жауапкершілікке әкелетінін ескертті. Сондай-ақ, азаматтарды тек ресми дереккөздерге сенуге шақырды.
