Қаскелеңдегі сот ғимаратынан күдіктінің қашып кетуіне қатысты Ішкі істер министрінің орынбасары Игорь Лепеха пікір білдірді деп хабарлайды bairaqmedia.kz

Оның айтуынша, қазір полицейлерге қатысты қылмыстық із қозғалған. Ал, қашқынның өзі әлі табылмаған. 

Иә, қашты, іс қозғалды, әлі тапқан жоқпыз, іздеп жатырмыз. Табамыз. Біздің қызметкерлерге қатысты салғырттық бойынша іс қозғалды, - деді Ішкі істер министрінің орынбасары Игорь Лепеха.

Кісі зорлау дерегі бойынша күдікті кеше Қарасай аудандық сотының ғимаратынан қашып кеткен болатын. Қашқынның ҚР Қылмыстық кодексінің 120-бабының 2-бөлігі, яғни, зорлау дерегі бойынша күдікті екенін сот қызметкерлері растады. 

30 жастағы жігіт сотқа дейінгі қамауда отырған. Ол кеше алдын-ала сот отырысына қатысуы тиіс болыпты.

Қашқынды жан-жақтан іздеп жатқан полицейлер оны көргендер болса, дереу 102-ге хабар беруін сұрайды.