35 жастағы ер адамды полиция зорлау және жыныстық сипаттағы әрекеттер жасады деген күдікпен жедел-іздестіру іс-шаралары барысында ұстады, деп хабарлайды Bairaqmedia.kz.
Қостанай облысының Полиция департаменті жәбірленушілер арасында кәмелетке толмағандар жоқ екенін мәлімдеді.
Алдын ала мәліметтер бойынша, кейбір жәбірленушілер ер адамнан қарызға ақша алған, ал қарызын қайтара алмағандардан күдікті жыныстық қатынасты талап еткен. Жәбірленушілер бас тартқан кезде, ол олардың еркіне қарсы олармен жыныстық қатынасқа түскен.
Соттың санкциясы бойынша күдікті қамауға алынды. Қазір тергеп-тексеру әрекеттері жалғасып жатыр. Қажетті сараптамалар тағайындалды, – делінген хабарламада.
Бірнеше рет қылмыс жасағаны үшін ер адам 9 жылдан 12 жылға дейін бас бостандығынан айыру жазасына кесілуі мүмкін.
Тергеу мүддесі үшін қосымша ақпарат жария етілмейді
