Қаржылық мониторинг агенттігі Перизат Қайратқа қатысты қылмыстық істі тергеуді аяқтады. Бұл туралы ведомство төрағасының орынбасары Жеңіс Елемесов айтты, деп хабарлайды Bairaqmedia.kz.
Оның айтуынша, келтірілген залал көлемі 3,5 млрд теңге болған.
Бұған қоса Перизат Қайраттың анасы да «Алаяқтық» және «Қылмыстық жолмен алынған ақшаны жылыстату» баптары бойынша айыпталып отырғаны атап өтілді.
Еске сала кетсек, Перизат Қайрат су тасқынынан зардап шеккендерге арналған 1,5 млрд теңгені жымқырды деген күдікке ілінген. Қазір тараптар іс материалдарымен танысып жатыр.
