«Тажен» өткізу пункті 2025 жылғы 1 қыркүйекке дейін уақытша жабық, деп хабарлайды Bairaqmedia.kz.

Өзбекстан Республикасымен келісім бойынша, Қазақстан «Тажен» өткізу пункті арқылы шекарадан өтуге жеке тұлғаларға, жеңіл автокөліктерге, автобустарға және 3,5 тоннаға дейінгі көліктерге қатысты уақытша тыйымды 2025 жылғы 1 қыркүйекке дейін ұзартты.

Шектеу өткізу пунктінде және оған іргелес инфрақұрылымда жүргізіліп жатқан құрылыс және қайта жаңарту жұмыстарына байланысты енгізілген. Оған күрделі жөндеу, инженерлік желілерді тарту және бейтарап аймақта жол салу жұмыстары кіреді.

Азаматтарға сапарларын жоспарлау кезінде бұл шектеуді ескеруге кеңес беріледі.