Күйші, сазгер, Халық қаһарманы Нұрғиса Тілендиевтің жары – Дариға Тілендиева дүниеден озды, деп хабарлайды Bairaqmedia.kz.

Қазақстанның еңбек сіңірген әртісі 79 жасында қайтыс болды.

Дариға Тілендиева ұлттық мәдениетіміздің дамуына сүбелі үлес қосқан көрнекті өнер иесі. Ол Халық қаһарманы, күйші-композитор Нұрғиса Тілендиевтің өмірлік жары ғана емес, сазгердің шығармашылық мұрасын сақтап, кейінгі ұрпаққа жеткізген тұлға болды.

Дариға Тілендиеваның өнері мен рухани мұрасы қазақ халқының жүрегінде мәңгі сақталады. Жақындарына сабыр, марқұмның рухына мәңгілік тыныштық тілейміз, – делінген Құрманғазы атындағы Қазақ ұлттық халық аспаптар оркестрі баспасөз қызметі хабарламасында.

Дариға Тілендиева «Қазақфильм» киностудиясында түсірілген «Алты жасар Алпамыс», «Құлагер», «Ақ машина», «Жамбылдың жастық шағы», «Қоштасқым келмейді» сынды көркем фильмдері арқылы, ұлттық кино өнерінде өшпес із қалдырды.