Ғылым және жоғары білім министрлігі грант конкурсына құжат қабылдау тәртібін түсіндірді, деп хабарлайды bairaqmedia.kz.
Құжаттар 13-20 шілде аралығында қабылданады.
"Құжаттарды жоғары оқу орындарының қабылдау комиссиялары арқылы офлайн (виртуалды қабылдау комиссиялары арқылы онлайн) немесе eGov арқылы онлайн тапсыруға болады", - дейді министрлік мамандары.
Грант конкурсына қатысу үшін қажетті құжаттар:
жеке куәлік;
ҰБТ сертификаты;
3х4 көлеміндегі фото;
орта білім туралы аттестат немесе колледж түлектері үшін диплом;
жеңілдетілген санат бойынша конкурсқа қатысу үшін растайтын құжаттар;
Ал "Ұшу аппараттарын және қозғалтқыштарды ұшырып пайдалану" мамандығы үшін дәрігерлік ұшу-сараптамалық комиссиясының медициналық қорытындысы қажет.
