Ресейдің «Роскосмос» мемлекеттік корпорациясы «Ресурс-П» жерді қашықтықтан зондтау спутнигі түсірген суретті жариялады. Онда Мьянмадағы жер сілкінісінің салдары бейнеленген деп хабарлайды bairaqmedia.kz
Суреттен Сагайн қаласындағы зілзаладан кейінгі жағдайды көруге болады. «Роскосмос» спутниктері табиғат апатының салдарын анықтауды жалғастырмақ.
Еске салайық, өткен жұмада Мьянмада жойқын жер сілкінісі болды. Ең күшті дүмпулер Мандалай және Сагайн қалаларында тіркелді. Олардың магнитудасы 7,1 мен 7,7 аралығында болды. Соңғы мәлімет бойынша, Мьянмадағы жер сілкінісінен қаза тапқандар саны 1700 адамға жеткен. Жерасты дүмпулері Бангладеш, Үндістан, Тайланд, Лаос пен Қытайда да сезілді.
