Жетісу облысында Айзат Жұманованы азаптап өлтірген күйеуі Айбар Жанболатқа қатысты алғашқы сот отырысы өтті, деп хабарлайды bairaqmedia.kz.

Айзат Жұманованың нағашы әпкесі Раушан Дәуренбекова өзінің пікірін білдірді.

Марқұм Айзаттың әпкесінің айтуынша, қылмыстық істің 99-бапқа ауыстырылуына адвокаттардың еңбегімен қатар, қоғам назарындағы резонанс та ықпал еткен.

«Бұл істің өзгеруіне біздің қорғаушыларымыздың еңбегі, халықтың қолдауы және қоғамдық резонанс әсер етті. Соттың әділ шешімі шығады деп сенеміз», – деді ол.

Айзаттың артында бір қыз қалған. Қазіргі уақытта оны марқұмның анасы бағып отыр. Туыстарының айтуынша, оқиға болған алғашқы күндері баланың психологиялық жағдайы ауыр болған.

«Басында қатты жылай беретін, кез келген қатты дыбыстан қорқатын. Қазір тұрақты психолог көмегінен кейін жағдайы біршама жақсарды. Бауырым мен жеңгем де сол баланы медет тұтып отыр», – деді әпкесі.

Оның сөзінше, сот процесінің ашық өтуі – отбасы үшін маңызды.