Нью-Йоркте БҰҰ Бас Ассамблеясының жоғары деңгейдегі апталығы өтіп жатыр. Reuters мәліметінше, жиынға 130-ға жуық мемлекет басшысы қатысып, Таяу Шығыстағы қақтығыстар, Украинадағы соғыс және жасанды интеллектінің ықтимал қауіптерін талқылайды, деп хабарлады Вairaqmedia.kz.
Күн тәртібіндегі маңызды мәселелердің бірі – жасанды интеллектіні бақылау. Бұған дейін технология саласының бірқатар өкілі ЖИ дамуын халықаралық деңгейде үйлестіру қажеттігін айтып, технологияның болашақта адам бақылауынан шығу қаупі барын ескерткен.
Сонымен қатар БҰҰ Қауіпсіздік Кеңесінде Украина, Таяу Шығыс және жасанды интеллект мәселелері бойынша жоғары деңгейдегі жеке отырыстар өткізу жоспарланған.
Ұйымның өзінде де маңызды өзгеріс жақындап келеді. БҰҰ Бас хатшысы Антониу Гутерриштің өкілеттік мерзімі 2026 жылдың соңында аяқталады, ал оның орнына келетін кандидат әзірге анықталған жоқ.
