Каспий теңізінде жүргізіліп жатқан іздестіру-құтқару жұмыстары барысында тағы екі әскери қызметшінің денесі табылды, деп хабарлады Вairaqmedia.kz.
Бұл туралы Қорғаныс министрлігі жазды.
"Бүгін, 25 қыркүйекте, сағат 09:15 шамасында үздіксіз жүргізілген іздестіру-құтқару жұмыстары барысында бұған дейін із-түзсіз жоғалған екі әскери қызметшінің – сержант Мансұр Гумаров пен матрос Мирас Тұрдыбекұлының денелері табылды" - делінген Қорғаныс министрлігінің хабарламасында
Бұған дейін Каспий жағалауында ауа райы күрт нашарлап, қатты жел мен биік толқын салдарынан әскери қызметшілерді теңізге алып кеткені хабарланған еді. Оқиғадан кейін ауқымды іздестіру-құтқару операциясы басталып, оған Әскери-теңіз күштері мен ТЖМ бөлімшелері, кемелер, катерлер және авиация жұмылдырылды.
Қайғылы оқиғаға байланысты қылмыстық іс қозғалып, тергеу жалғасып жатыр.
