Қазақстандық спортшы Еркінғали Бүркіталин Жапонияда өтіп жатқан жазғы Азия ойындарында алтын медаль жеңіп алды. Ол Қазақстан құрамасының қоржынына бесінші алтынды салды, деп хабарлайды Вairaqmedia.kz.
Еркінғали Бүркіталин аралас жекпе-жектің дәстүрлі стилі бойынша ерлер арасында 77 келі салмақ дәрежесінде өнер көрсетті. Финалда отандасымыз Бахрейн өкілі Мұхаммед Набиевпен кездесіп, қарсыласын 3:0 есебімен жеңді.
Айта кетейік, қазақстандық спортшы финалға дейін Қытай Тайпэйінің өкілі Лин Миндянды, оңтүстіккореялық Юун Таэонды және филиппиндік Карлос Альваресті мерзімінен бұрын жеңген.
Осылайша, Қазақстан құрамасының қоржынында 5 алтын, 1 күміс және 3 қола медаль бар. Ұлттық құрама жалпыкомандалық есепте төртінші орында келеді. 22 қыркүйекте қазақстандық спортшылар Азия ойындарында спорттың 17 түрінен сынға түседі.
