Жетісу облысында полиция әйелге хабарсыз кеткен туған әпкесін табуға көмектесті, деп хабарлайды bairaqmedia.kz.
Шығыс Қазақстан облысы Тарбағатай ауданының тұрғыны 20 жыл бұрын әпкесімен байланысын үзген.
Ол әпкесін тауып қалармын деген ниетпен Үштөбе қаласына барған.
Ол көшеде учаскелік полиция инспекторлары Айбек Қази мен Талғат Есқожановпен жолығады.
Полицейлер оның өтінішіне бірден ден қойып, іздестіру жұмыстарына кірісті.
Осылайша жүйелі жұмыстың арқасында тәртіп сақшылары бауырларды қауыштырды.
Әйел полиция қызметкерлеріне алғысын білдірді.
