Әзірбайжандық тарихшы Джемиль Хасанли КСРО тарағаннан кейін 30 жыл өткен соң, Британ ұлттық архивінде Қазақстан Президенті Қасым-Жомарт Тоқаевқа қатысты құжаттардың үзінділерін жариялады, деп хабарлайды Arasha.kz.
1994 жылы Тоқаев Сыртқы істер министрі болып тағайындалғанда, Британ Сыртқы істер министрлігі оның өмірбаянына қатысты анықтама дайындаған. Құжатта оның білімі, тіл білу деңгейі, Қытай мен Оңтүстік-Шығыс Азия елдеріндегі жұмыс тәжірибесі туралы жазылған.
"Министрлік оның жұмысына өте қызықты анықтамалар дайындаған және оны жан-жақты маман деп сипаттаған. Британдықтардың болжамы дәл келді. Бүгінде Тоқаев посткеңестік кеңістіктің жемқор және авторитарлық көшбасшыларынан айрықша ерекшеленеді", – деп жазды Хасанли.
Құжаттарда Тоқаев АҚШ, Канада, Өзбекстанға белсенді сапарларға шыққаны, әріптестерімен байланыс орнатқаны және Қытаймен шекаралас аумақта еркін экономикалық аймақтар құруды ұсынғаны айтылған.
