Мемлекеттік инспекторларға қауіпті еңбек жағдайлары кезінде кәсіпорындардың қызметін тоқтата тұру құқығы беріледі, деп хабарлайды Bairaqmedia.kz.
 
Еңбек қауіпсіздігін қамтамасыз ету жүйесінде мемлекеттік бақылау жүйесін жетілдіру шеңберінде инспекциялық қызметтің тиімділігін арттыруға бағытталған жаңа шаралар әзірленіп жатыр. Бұл туралы Еңбек және халықты әлеуметтік қорғау министрі Светлана Жақыпова айтты.

Оның айтуынша, тексеру жүргізу туралы жұмыс берушілерді міндетті түрде хабардар етуден бас тарту ұсынылады. Сондай-ақ жұмысшылардың өмірі мен денсаулығына қауіп төнген кезде кәсіпорындардың жұмысын тоқтата тұру бойынша өкілеттіктер беру жоспарланып отыр. 

Сонымен қатар жоспардан тыс тексерулер кезінде тексеру парақтарын толтырудан бас тарту ұсынылады, бұл бұзушылықтарды анықтау процесін жеңілдетіп, жеделдетуі керек.