Жамбыл облысында тағы да жер сілкінісі тіркелді, деп хабарлайды Bairaqmedia.kz.
Ақпаратқа сәйкес, Сейсмологиялық байқау және зерттеулер ұлттық ғылыми орталығының сейсмикалық станциялар желісі бүгін сағат 16:00-де жер сілкінісін тіркеген.
Жер сілкінісі Жамбыл облысында сезілген. Есептік қарқындылығы нақтыланып жатыр.
Зардап шеккендер мен қирау туралы мәлімет түскен жоқ.
Жер сілкінісінің ошағы Қырғызстан аумағында орналасқан.
Еске сала кетсек, бүгін Жамбыл облысында таңғы сағат 3:42-де жер сілкінісі болғанын хабарлаған болатынбыз.
