Қазақстанда әлемге әйгілі актер Джеки Чан мен америкалық продюсерлердің қатысуымен бірнеше халықаралық киножоба қолға алынды. Бұл туралы Үкімет отырысында Salem Entertainment цифрлық медиа компаниясының бас директоры Игорь Цай мәлімдеді, деп хабарлайды Bairaqmedia.kz.
Оның айтуынша, компания жылына 12-ден астам сериал және 4 толық метражды фильм түсіреді.
Биыл Джеки Чан, америкалық «Оскар» иегері продюсерлермен бірлескен продюсерлік жоба іске қосылды, сондай-ақ жасанды интеллект технологиясына негізделген контент жасау бойынша Тимур Бекмамбетовпен бірегей жоба қолға алынды. Сонымен қатар Мәдениет және ақпарат министрлігінің қолдауымен, «Қазақтелеком» және TV+ брендімен серіктестікте біз 700 мың ақылы жазылушыға қол жеткіздік, – деді Игорь Цай.
Сондай-ақ ол жыл сайын YouTube платформасымен жұмыс істеп, жылына 400 миллионнан астам қаралым жинайтынын жеткізді.
