Ерлан Ақкенженов Энергетика министрі болып тағайындалды, деп хабарлайды Bairaqmedia.kz.  

Мемлекет басшысының Жарлығымен Ерлан Құдайбергенұлы Ақкенженов Қазақстан Республикасының Энергетика министрі лауазымына тағайындалды, – делінген Ақорда хабарламасында.

Ерлан Ақкенженов 1979 жылы Алматы қаласында дүниеге келген.

«Әділет» жоғары құқық мектебін және «Астана» университетін бітірген.

Еңбек жолын 2002 жылы жеке меншік ұйымда бас маман болып бастаған.

2004-2012 жылдары мұнай саласындағы кәсіпорындарда басшылық лауазымдарда болды.

2012-2016 жылдары KPMG International (Rompetrol) компаниясында бас менеджер, трейдинг жөніндегі аға басқарушы директор болып жұмыс істеді.

2016 жылдан 2022 жылға дейін коммерциялық құрылымдарда жұмыс істеді.

2022 жылы «ҚазМұнайГаз» ҰК» АҚ мұнай өнімдері маркетингі басқармасының бастығы болып қызмет етті.

Одан кейін ҚР Энергетика вице-министрі болып тағайындалған.

Еске сала кетсек, бұған дейін мемлекет басшысының Жарлығымен осы қызметте болған Алмасадам Сәтқалиев Атом энергиясы жөніндегі агенттік төрағасы болып тағайындалған болатын. Ол бұрынғы атқарған лауазымынан босатылды.