Павлодар облысында полицейлер өзіне қол жұмсамақ болған тұрғынды құтқарып қалды, деп хабарлайды Bairaqmedia.kz.
Полиция қызметкерлерінің мәліметінше, оқиға кеше сағат 19.30 шамасында болған. Екібастұзда ер адам 9 қабатты үйдің төбесінен секірмек болған жерінен құтқарылды.
Патрульдік полицейлер қызмет барысында Мұхтар Әуезов көшесіндегі 9 қабатты үйдің төбесінде ер адамды байқаған. Осыдан кейін олар дереу шатырға көтеріліп, ер адамды құтқаруға асықты. Тәртіп сақшылары оны бірден ұстап қалып, қауіпсіз жерге шығарды, – делінген хабарламада.
Қазір 36 жастағы азаматтың өмірі мен денсаулығына қауіп төніп тұрған жоқ.
