Америкалық әнші әрі актриса Дженнифер Лопестің Астанадағы концерті кезінде қоғамдық тәртіпті бұзған әйелге қатысты қылмыстық іс қозғалды, деп хабарлайды bairaqmedia.kz елорда полиция департаментінің баспасөз қызметі.
Желіде тараған видеода полицейлердің төбелес шығарған әйелді көтеріп, алаңнан алып кетіп бара жатқаны көрсетілген.
"Астана Аренадаға" концерт кезінде әйел қоғамдық тәртіпті бұзды. Қақтығыстың өршуіне жол бермеу үшін оны полиция қызметкерлері оқиға орнынан алып кетті", - деп жазылған хабарламада.
Тергеу қорытындысы бойынша қылмыстық іс қозғалған.
"Аталған әйелдің полиция қызметкерлерінің бірімен некеде екенін хабарлаймыз. Бұл факт оның әрекетіне құқықтық баға беруге әсер етпейді", - деп толықтырды полиция.
Полицейлер заң алдында барлық азамат тең екенін, ішкі істер органдары қызметкерінің отбасы мүшесі болу ешқандай артықшылық бермейтінін атап өтті.
Тергеу барысы полиция департаменті басшылығының бақылауында болады.
Айта кетері, Қылмыстық кодекстің 108-бабы (денсаулыққа қасақан жеңіл зиян келтіру) бойынша 200 АЕК-ке (2025 жылда – 786 400 теңгеге) дейінгі айыппұл не сол мөлшерде түзеу жұмыстары, я болмаса, 200 сағатқа дейінгі мерзімге қоғамдық жұмыстар не елу тәулікке дейінгі мерзімге қамаққа алу жазасы қарастырылған.
Айта кетері, Қылмыстық кодекстің 108-бабы (денсаулыққа қасақан жеңіл зиян келтіру) бойынша 200 АЕК-ке (2025 жылда – 786 400 теңгеге) дейінгі айыппұл не сол мөлшерде түзеу жұмыстары, я болмаса, 200 сағатқа дейінгі мерзімге қоғамдық жұмыстар не елу тәулікке дейінгі мерзімге қамаққа алу жазасы қарастырылған.
