Мұқтаж жандарға халықтан ақша жинап баспаналы болуына көмектесіп жүрген блогер Ырысбала Икрамбай өзіне айып таққан әйелге жауап беріп, оны «қол жаюды кәсіпке айналдырғанын» әшкерелеп берді, деп хабарлайды bairaqmedia.kz.

Айта кетейік, кеше көпбалалы жалғызбасты ана Гүлім Болатжанның халықтың қолдауымен жиналған 13,5 миллион теңге ақшаны Ырысбала Икрамбай бермей қойғанын мәлімдеген болатын.

«Тиісті органға барып арыз жазыңыз. Харекет, Асар үме, Шешімі бар бағдарламасы берген үш үй қайда? Человек в маске емге берген ақша қайда? 4 балаңды халық емес, туған әкесі асырасын. Балама курткаға, қызыма етікке, баламның еміне деп ақша жинап жүргеніңе неше жыл болды?», - деп жауап берді ол.

Сондай-ақ блогер Ырысбала Икрамбай мұқтаж әйелді «қол жайып, көмек сұрауды намыс емес, кәсіпке айналдырған» деп айыптады.

«Мына әйелді танитындар бар ма? Гүлім Болатжан деген осы. Әлемдегі жалғыз періште, жылдар бойы мені қаралап жүр. Осы қатынға ғана Ырысбала үй бермейді екен, Асар-Уме тұруға жарамсыз үй береді екен. Төрт баланы қайда тастаймын дейді. 4 баласының үлкені 11-сынып бітіріп жатыр екен! Көмек қажет деп халыққа алақан жайып жүргеніне 11 жыл бітеді. Бұл қатынның мұқтаждығы қашан аяқталады? Қол жаюды намыс емес, кәсіп қылып алған бұл әйел», - дейді блогер.