Танымал әнші Жанар Айжанованың қызы Айжұлдыз Адайбекова болашақ күйеуі Сәкен Қағаровпен некелесіп, бірге тұрып жатыр. Бұл туралы ол блогер Бейбіт Әлібековке берген сұхбатында айтты, деп хабарлайды Bairaqmedia.kz.

Сәкен Қағаров сүйіктісін бес жыл бойы күткенін айтты.

Бұл - махаббат. Мен өз махаббатымды 5 жыл бойы сұрап, күттім. Жарнамалық түсірілімнің арқасында табыстық. Бір көргеннен ғашық болдым, – деді ол. 

Сондай-ақ ол Айжұлдыздың бірінші некеден туған ұлының бары жайында мүлдем ойланбағанын айтты. 

Маған ол ешқандай қиындық тудырмады. Керісінше өте күшті деп ойладым. Болашақта сәбилі болсақ, екеуі бірге ойнайды. Бірі үлкен, бірі кіші болады. Керемет емес пе? – дейді Сәкен Қағаров. 

Бұған қоса ол енесі Жанар Айжановамен өте жақсы қарым-қатынаста екенін де жеткізді.