Малайзияда тұратын 28 жастағы Фара Файзалдың жүктілігі күтпеген күйзеліспен өтті, деп хабарлайды bairaqmedia.kz.

Екінші триместрде оның беті қышып, қызарып, бөртіп, күн санап әжім баса бастады. Айнаға қараған сайын өз бейнесін тани алмай, жасы қырықтан асқандай көрінгенін айтады.

«Әр таң сайын жаңа бөртпелер пайда болатын. Бетім күйіп тұрғандай ауыратын. Ешқандай күтім көмектеспеді», – дейді ол.

Бұл ауыр кезең босанғаннан кейін біртіндеп артта қалды. Уақыт өте келе бетінің жағдайы жақсарып, бұрынғы қалпына келе бастады. Дәрігерлер бұл өзгерістерді жүктілік кезіндегі гормондық және иммундық жүйенің күрт өзгеруімен байланыстырады.