Айта кетейік, Әділбек Жақсыбеков – Назарбаевтың сенімді серіктерінің бірі, бірінші президенттің тұсында оның әкімшілігін басқарды. Астана қаласының әкімі болды, Қорғаныс министрі қызметін де атқарды.
Бүгін Премьер-министр Олжас Бектенов ел ішінде жиі айтылып жүрген алып-қашпа әңгімеге өзі нүкте қойды, деп хабарлайды bairaqmedia.kz
Бүгін Астанада журналистерге ашық сұхбат берген Үкімет басшысына: «Сіздің Әділбек Жақсыбековке күйеу бала екеніңіз рас па?» деген сұрақ қойылды. Алғашында баспасөз мәслихатының модераторы: "бұл адамның жеке басына қатысты сұрақ " дей бастағаны сол еді, Бектенов қойылған сауалға жауап беруге бекінді.
«Бұл мәлімет шындыққа сай емес. Мен қазіргі немесе бұрынғы ешбір шенеунікпен туыстық байланыста емеспін. Мен - қарапайым қатардағы отбасының күйеу баласымын. Ал қай отбасыға күйеу бала екенім – жеке мәлімет, оны жариялауды қажет деп санамаймын. Сіз атаған ақпарат – жалған», - деді премьер-министр.
