Заңгер Нұрсұлтан Орынбеков танымал блогерлер Ерболат Жанабылов пен Эльмира Төлегеноваға қатысты тексеріс басталғанын хабарлады, деп жазады bairaqmedia.kz.
Оның айтуынша, көпшіліктің наразылығынан кейін құзырлы органдар олардың соңғы өткізген ірі ұтысының заңдылығын қарастырып жатыр. Адвокат істі қай мекеме тексеріп жатқанын нақтыламады.
«Ел әбден мезі болған ұтысты өткізу үшін курстарын сатып, байып қалғысы келеді. Бірақ жұрт болып қарсы тұрдық. Арнайы комитет жуырда блогерлерге ескерту жібереді. Егер ол орындалмаса, 1 млн теңге айыппұл салынып, қайталанса қылмыстық іс қозғалады», – деді Орынбеков.
