Мәдениет

«Баян Мақсатқызына сәлем айтыңдар»: Бибігүл Төлегенова халыққа иіліп, сәлем берді (ВИДЕО)

14:20, 19 наурыз 2025 54

Алматыда өткен мерейтойлық концертте Бибігүл Төлегенова көпшілікке сәлем салып, құрмет көрсетті, деп хабарлайды Bairaqmedia.kz.

Алматыда КСРО және Қазақстанның халық әртісі, қазақтың бұлбұлы Бибігүл Төлегенованың 95 жылдық мерейтойына арналған ерекше концерт өтті. Шараға өнер сүйер қауым жиналып, аңыз тұлғаның сахнаға шығып, шәкірттерімен бірге ән шырқауын жылы қабылдады.

Кеш барысында Бибігүл Ахметқызының қалың көпшілікке иіліп, сәлем салуынан байқалған қарапайымдылығы мен халқына деген құрметі көрермендерді ерекше толқытты. Концерттен кейін әлеуметтік желілерде әншінің сәлем салған сәті бейнеленген жазбалар тарап, қызу талқыға түсті.

Баян Мақсатқызына сәлем айтыңдар, аңыз адам Бибігүл анамыздан артық емес шығар, – деп жазды осындай парақшалардың бірінің иесі. 

Оқырмандар «Қандай керемет көрініс?!», «Баян үлгі алсын», «Қанша жасқа келсе де, халықтан үлкен емес» деген сияқты пікір білдірді.

Біздің Telegram арнамызға жазылып, соңғы ақпаратты оқыңыз. Егер хабарлама жолдағыңыз келсе, WhatsApp-қа жазыңыз.

Тағы да оқыңыз