Қазақстандық семсерлесушілер Азия чемпионатында тағы бір жүлде жеңіп алды, деп хабарлайды Bairaqmedia.kz.

Ұлттық олимпиада комитетінің мәліметінше, Индонезияның Бали аралында өтіп жатқан Азия чемпионаты аясында семсер қаруымен айқасудан ерлер арасындағы командалық жарыстың финалы аяқталды.

Алтын медаль үшін Қазақстан мен Жапония құрамалары бақ сынады. Тартысты өткен кездесуде жапониялықтар жеңіске жетті. Кездесу 45:39 есебімен аяқталды.

Осылайша, Қазақстан құрамасы күміс жүлдегер атанды. Команда құрамында Эльмир Әлімжанов, Руслан Курбанов, Вадим Шарлаимов және Ерлік Сертай өнер көрсетті.

Айта кесек, Жапония құрамасы 2024 жылғы Олимпиадада финалға дейін жетіп, шешуші кездесуде Венгрияға есе жіберген болатын.

Жалпы, Қазақстан құрамасының еншісінде екі медаль бар. Бұған дейін Вадим Шарлаимов жекелей сайыста үшінші орынды иеленген еді.